Hujjatul-Islam wal-Muslimin Hassan Turkashvand, Naibu elimu wa Hawza ya Qom, katika mahojiano maalum na mwandishi wa  Shirika la Habari la Hawza mjini Mashhad, alifafanua kuhusu uwezo, shughuli na mipango ya utafiti wa Hawza ya Qom.

Alisema kwa kuashiria nafasi ya kipekee ya Hawza ya Qom kama Hawza ya msingi zaidi nchini: Hawza ya Qom katika uwanja wa utafiti ina uwezo na matokeo ya kielimu yaliyo mapana zaidi, kiasi kwamba ripoti kamili ya hayo haiwezi kuwasilishwa katika fursa hii fupi. Hata hivyo, hali ya kujitolea kwenye shughuli za utafiti katika vitengo vya kielimu vya Hawza ya Qom katika miaka ya hivi karibuni imekuwa ya kushangaza mno, na programu za utafiti zinaendeshwa kwa mpangilio na mshikamano mkubwa zaidi.

Hujjatul-Islam wal-Muslimin Turkashvand, alibainisha kuwa hivi sasa zaidi ya wanafunzi wa dini 30,000 wanajifunza katika Hawza ya Qom, alifafanua kwa kusema: Kati ya hao, takriban wanafunzi 20,000 wanapitia masomo huru (ngazi ya juu) na takriban wanafunzi 12,000 wanasoma katika Madrasa za kiwango cha kwanza, vituo vya fiqhi, Madrasa za juu, vituo vya uongozi wa kielimu na malezi, pamoja na vituo maalum vya kitaaluma.